- ९ आश्विन २०८३, शुक्रबार / Sep 25, 2026
काठमाडौं । बाढीपहिरो र डुबानबाट मुलुकका विभिन्न जिल्लामा ८८ जनाको मृत्यु भएको गृहमन्त्रालयले जनाएको छ । कुल ३० जना बेपत्ता भएको विपद् व्यवस्थापन महाशाखाले जनाएको छ । अधिकांशको पहिराका कारण ज्यान गएको छ ।
विहान ११ जनाको मृत्यु पुष्टी भएको छ । विपद्मा परेर पाँचथरमा २७ जनाको मृत्यु भएको छ । इलाम र डोटीमा १३, १३ जनाको मृत्यु भएको गृह मन्त्रालयले जनाएको छ । लीकोट, बैतडी, डडेलधुरा, बझाङ, हुम्ला, सोलुखुम्बु, प्युठान, धनकुटा, मोरङ, सुनसरी, उदयपुरलगायत १५ जिल्लामा ठूलो मानवीय क्षति भएको महाशाखाका प्रमुख हुमकला पाण्डेले बताइन् ।
विपद्बाट २० जिल्ला प्रभावित भएका छन् । बझाङमा २१ जना हराएका छन् । पाँचथरमा चारसहित विभिन्न जिल्लामा गरेर ३० बेपत्ता रहेको गृहमन्त्रालयले जनाएको छ । आजबाट मौसममा सुधार आउने जल तथा मौसम विज्ञान शाखाले जनाएको छ ।
