बाढी पीडितलाई दश लाख

जनकपुर । बाढी तथा डुबान पीडितलाई मधेस प्रदेश सरकारले दश–दश लाख राहत दिने भएको छ । राहत तथा उद्धारका लागि आठै जिल्लामा उक्त रकम पठाउने भएको हो ।

प्रदेशका गृह, सञ्चार तथा कानुनमन्त्री मोहम्मद समिमको अध्यक्षतामा बसेको प्रदेश विपद् व्यवस्थापन कार्यकारी समितिको बैठकले राहत तथा उद्धारका लागि सो रकम उपलब्ध गराउने निर्णय गरेको हो ।

मन्त्री समिमले राहत तथा उद्धार सामग्री खरिद गर्न आठवटै जिल्ला प्रशासन कार्यालयलाई तत्काल राहत रकम ठाउने निर्णय गरेको जानकारी दिए ।

राहत तथा उद्धार कार्यलाई प्रभावकारी बनाउन सबै सुरक्षा निकाय र सरोकारवालासँग समन्वय गर्ने पनि छलफल भएको छ ।

केही दिनदेखि परिरहेको अविरल वर्षाका कारण मधेसको जनजीवन प्रभावित भएको छ ।