- १० श्रावण २०८३, आईतवार / Jul 26, 2026
काठमाडौं । पूर्वप्रधानमन्त्री डाक्टर बाबुराम भट्टराईले फेरि वैकल्पिक शक्ति निर्माण गर्ने घोषणा गरेका छन् । भट्टराईले संविधान जारी भएपछि कान्तिकारीहरू नै सत्ताको चास्नीमा डुब्ने आंकलन गरेर नै आफूले नयाँ शक्ति निर्माण अभियान थाले को बताए ।
पुरानाहरूलाई नै लिएर सुधार गर्ने आदर्श प्रयासले असफलता हात परेको स्वीकार गर्दै २०७२ साल असोज ३ गते नयाँ संविधान जारी भएपछि त्यसमा असहमति जनाउँदै भट्टराईले आफनो मातृ दल माओवादी परित्याग गरी २०७३ जेठ ३० गते तामझामका साथ नयाँ शक्ति पार्टी घोषणा गरेका थिए ।
तर त्यस यता भट्टराई नयाँ शक्तिको मन्त्र जप्दै विभिन्न पार्टी चहार्दै अहिले नेपाल समाजवादी पार्टी बनाएका छन् । उनले पुराना दलहरूको अकर्मन्यता र गलत कर्मले नयाँ वैकल्पिक शक्ति निर्माणका आधार तयार गर्दै गरेको उल्लेख गरे ।
भट्टराईले अल्वर्ट आइन्सटाइन र रोजा लग्जेम्बर्गका भनाइहरू थप्दै दुवैका विचारहरू साथमा लिएर नयाँ वैकल्पिक शक्ति निर्माणको प्रयास हु्ने दाबी गरे ।
