बार कडा बन्दै, सर्वोच्वको दुबै ढोकामा धर्ना दिने

काठमाडौं । प्रधानन्यायाधीशविरुद्ध आन्दोलन गरिरहेको नेपाल बार एसोसिएशनले आज सर्वोच्च अदालतको दुबै गेटमा धर्ना दिन लागेको छ ।

चोलेन्द्र शम्शेर जबराको राजीनामा माग्दै आएको बारले बिहान १० बजे देखि १२ बजेसम्म धर्ना दिन लागेको हो । बारले प्रधानन्यायाधीशलाई सर्वोच्च प्रवेश गर्न समेत अवरोध गर्दै आएको छ ।

शुक्रबारको धर्नामा प्रधानन्यायाधीश बारको आन्दोलनलाई छल्दै वैकल्पिक ढोकाबाट अदालत प्रवेश गर्दै आएका छन् । आज बारले वैकल्पिक ढोकामा समेत धर्नाको तयारी थालेको छ ।