- ३ श्रावण २०८३, आईतवार / Jul 19, 2026
काठमाडौं । प्रधानमन्त्री निवास बालुवाटारमा ८ दलको बैठक सुरु भएको छ । बैठकमा राष्ट्रपति निर्वाचनका साथै प्रधानमन्त्री पुष्पकमल दाहाल प्रचण्डविरुद्ध मुद्दा दर्ता गर्न सर्वोच्च अदालतले दिएको आदेशबारे गहन छलफल गरिने नेताहरुले बताएका छन् ।
द्वन्द्वकालमा मारिएका ५ हजारको जिम्मा लिने बताएका कारण प्रचण्डमाथि फौजदारी अभियोगमा छानबिन गरी कारबाहीको माग गर्दै परेको रिट सर्वोच्च अदालतमा दर्ता हुने भएपछि माओवादी केन्द्रले व्यापक असन्तुष्टि जनाएको छ ।
न्यायाधीश ईश्वर खतिवडा र हरि फुँयालको संयुक्त इजलासले शुक्रबार प्रचण्डविरुद्ध रिट दर्ता गर्न आदेश दिएको हो । १ माघ २०७६ मा टुँडिखेलमा भएको एक कार्यक्रममा प्रचण्डले सशस्त्र द्वन्द्वकालमा मारिएका ५ हजारको जिम्मा आफूले लिने बताएका थिए ।
सोही अभिव्यक्तिलाई लिएर प्रचण्डमाथि छानबिनको माग गरी कारबाही गर्नुपर्ने भन्दै अधिवक्ता ज्ञानेन्द्र राज आरण लगायतले रिट लिएर सर्वोच्च अदालत गएका थिए । सोही रिटका बारेमा छलफल गर्न ८ दल अहिले बालुवाटारमा बैठक बसिरहेका छन् ।
