बीस देशका लागि राजदूत सिफारिस, संसदीय सुनुवाईबाट अनुमोदन भएपछि मात्र नियुक्त हुने

काठमाडौ । सरकारले विभिन्न २० देशका लागि नेपाली राजदूत सिफारिस गरेको छ । बैठकले ८ जना परराष्ट्र सेवाका र १२ जना राजनीतिज्ञ गरी २० जनालाई राजदूतका लागि सिफारिस गरेको हो ।

चीनका लागि विष्णुपुकार श्रेष्ठ, दक्षिण अफ्रिकाका लागि दानबहादुर तामाङ, स्पेनका लागि शर्मिला पराजुली ढकाल, श्रीलंकाका लागि बासुदेव मिश्र, रसियाका लागि मिलन तुलाधर, अष्ट्रेलियाका लागि कैलाश पोखरेल, मलेसियाका लागि डिल्लीराज पौडेल, इजरायलका लागि शान्ता रिजाल सिफारिस भएका छन् ।

दक्षिण कोरियाका लागि ज्योति प्याकुरेल, डेनमार्कका लागि प्रा।डा। रामसोगरथ राय यादव, साउदी अरेबियाका लागि नवराज सुवेदी राजदूत सिफारिस भएका छन् ।

परराष्ट्र मन्त्रालयका कर्मचारीहरु घनश्याम भण्डारी, हरिशचन्द्र घिमिरे, तीर्थराज वाग्ले, डोरनाथ अर्याल, सुशीलकुमार लम्साल, भरतकुमार रेग्मी, निर्मलराज काफ्ले र दुर्गाबहादुर सुवेदी पनि राजदूतमा सिफारिस भएका छन् ।

आज शुक्रबारदेखि निर्वाचन आचार संहिता लागू हुने भएकाले सरकारले बिहिबार नै राजदूत सिफारिस गरेको हो । सिफारिस व्यक्तिहरू संसदीय सुनुवाईबाट अनुमोदन भएपछि मात्र राजदूत नियुक्त हुनेछन् ।