बेथानचोक बस दुर्घटनामा १७ जनाको मृत्यु

काभ्रे । बेथानचोक गाउँपालिका–४, चलाल गणेशस्थानमा भएको बस दुर्घटनामा मृत्यु हुनेको संख्या १७ पुगेको छ । घटनास्थल, शीर मेमोरियल अस्पताल र धुलिखेल अस्पतालमा गरी १७ जनाको मृत्यु भएको काभ्रेका प्रमुख जिल्ला अधिकारी हुमकला पाण्डेले कैलाश खबरलाई बताइन् ।

बनेपा नगरपालिका–११ बाट ब्रतबन्धका लागि बेथानचोक गाउँपालिका–५, च्याल्टी पुगेर फर्किँदै गरेको बा ३ ख ४३८५ नम्बरको रिजर्भ बस मंगलबार साँझ दुर्घटनामा परेको प्रहरीले बताएको छ । बसमा सवार संख्या यकिन नभएको र बस दुर्घटनाको कारण पनि खुल्न सकेको छैन ।

नेपाल प्रहरी र नेपाली सेनाको टोलीले डोजर प्रयोग गरी उद्धार कार्य जारी राखेको प्रजिअ पाण्डेले जानकारी दिइन् । घाइतेहरुलाईरूलाई तत्काल उद्धार गरी उपचारका लागि अस्पतालसम्म पुर्‍याउने व्यवस्था गर्न गृह प्रशासन, काभ्रेका प्रमुख जिल्ला अधिकारी पाण्डे र जिल्ला प्रहरी प्रमुख प्रहरी उपरीक्षक चक्रराज जोशीलाई गृहमन्त्री बालकृष्ण खाणले निर्देशन दिएका छन् ।

गृहसचिव विनोदप्रकाश सिंहलाई उपचारका दुर्घटनाका घाइतेको उपचारका लागि जिल्लाको स्रोत र साधनले नपुग्ने भए मन्त्रालयबाट तत्काल व्यवस्था गर्न निर्देशन दिएका छन् । स्रोत साधन आवश्यक पर्ने भए मन्त्रालयमा लेखी पठाउन गृहमन्त्रीले निर्देशन दिएका छन् ।