बैतडी बस दुर्घटना, ८ जना घाइते

बैतडी । पाटन–पञ्चेश्वर सडकखण्डअन्तर्गत मेलौली नगरपालिका–२ रौतगाउँमा बस दुर्घटना भएको छ ।बिहान ६ बजे ना ७ ख २५७० नम्बरको बस दुर्घटना हुँदा आठ जना घाइते भएको जिल्ला प्रहरी कार्यालयका निरीक्षक दर्शन खड्काले जानकारी दिए।

घाइते हुनेमा मेलौली–६ का कमलापति भट्ट, मेलौलीकै मनिषा चन्द, दुर्गादत्त भट्ट, शिवनाथ गाउँपालिकाकी शुशिला चन्द, शिवनाथकै जनक औजी, रामसिंह साउँद, कञ्चनपुरको बेदकोट नगरपालिका दैजीकी पुजा भट्ट र बारा घर भएका सिराज अन्सारी रहेका छन् ।

\घाइतेको उपचारका लागि डडेल्धुरा जिल्ला अस्पताल पठाइएको छ । ३२ जना सवार बस सडकबाट २० मिटर तल खसेको हो । बस चालकलाई प्रहरीले नियन्त्रणमा लिएको छ ।