भदौ १० देखि ‘जनताको साथमा कांग्रेस’ अभियान काँग्रेसले सुरु गर्ने

काठमाडौं । मंसिर ४ गते हुने प्रदेश र प्रतिनिधिसभा निर्वाचनलाई आफ्नो पक्षमा पार्न नेपाली काँग्रेसले ७७ जिल्लामै केन्द्रीय प्रतिनिधि तोकेको छ । भदौ १० गतेदेखि ‘जनताको साथमा कांग्रेस’ अभियान सुरु गर्न नेपाली कांग्रेसले ७७ जिल्लामै केन्द्रीय प्रतिनिधि तोकेको हो ।

पहिलो चरणमा भदौ १० देखि बीपी जयन्तीसम्म, दोस्रो चरणमा समानुपातिक उम्मेदवारी दर्ता भएपछि र तेस्रो तथा निर्णायक चरण प्रत्यक्षतर्फ उम्मेदवारी दर्तापछि जनताको घरदैलोमा पुगेर राष्ट्रिय राजनीतिका समस्या र कांग्रेसका एजेन्डाबारे प्रचार प्रसार तथा संगठन सुदृढीकरणको काम हुने नेपाली काँग्रेसले जनाएको छ ।