- १३ जेष्ठ २०८३, बुधबार / May 27, 2026
काठमाडौं । भूतपूर्व गोर्खाहरूको समस्या समाधानका लागि बेलायती मन्त्री र बेलायतका लागि नेपाली राजदूतबीच भेटेवार्ता सम्पन्न भएको छ ।
गोर्खा वार्ताका लागि नेपाल सरकारका तर्फबाट संयोजक रहेका बेलायतस्थित नेपाली राजदूत ज्ञानचन्द्र आचार्य र बेलायती सरकारका तर्फबाट वार्ता टोलीको संयोजक तोकिएका मन्त्री लिओ डोकर्टीबीच लण्डनस्थित नेपाली दूतावासमा छलफल भएको हो ।
भूपू गोर्खाहरूको मुद्दालाई अघि बढाउन दुवै पक्षले गर्नुपर्ने आवश्यक गृहकार्य र अन्य पक्षसँग बहुपक्षीय छलफल एवं वार्ताको मिति तोक्नेलगायत विषयमा भेटघाट केन्द्रित रहेको दूतावास उपनियोग प्रमुख रोशन खनालले बताए ।
वार्ताको मिति भने अझै तोक्न नसकिएको तर नेपालको तर्फबाट छिट्टै वार्ता गर्न बेलायती सरकारसँग आग्रह भएको नेपाली दूतावासले जनाएको छ ।
बेलायत सरकारले केही समयमा वार्ताको मिति दूतावासलाई जानकारी गराउने गरी छलफल भएको छ । छलफलमा उपनियोग प्रमुख खनाल, मिलिटरी एट्याची कर्णेल रत्नबहादुर गोदारलगायत सहभागी थिए ।
