भेडी गाउँमा ९ वटा बेवारिसे बम भेटिए

काठमाडौं । बालबालिकाले खेल्ने क्रममा नवलपुरको विनयी त्रिवेणी गाउँपालिका–५ को भेडी गाउँमा ९ वटा बेवारिसे बम भेटिएको छ । बालबालिकाले खेल्ने क्रममा उक्त बम फेला परेको जनाइएको छ ।

स्थानीय बालबालिकाले बारीमा बम देखिएपछि त्रसित बनेका स्थानीयले नजिकैको प्रहरीलाई जानकारी गराएका थिए। खोतल्दै जाँदा एकपछि अर्को गरेर ९ वटा बम फेला परेको जिल्ला प्रहरी कार्यालय नवलपुरले जनाएको छ ।

बम कसले र कहिले राखेको भन्ने बारेमा अनुसन्धान भइरहेको पनि प्रहरीले नवलपुर प्रहरीले जनाएको छ । जंगलमा गाई र बाख्रा चराउन गएका बालबालिकाले खेल्ने क्रममा बारीमा बम देखेपछि स्थानीय बासिन्दा त्रसित बनेका थिए ।