मनाइयो टोपी दिवस

काठमाडौं । १० औं राष्ट्रिय पोशाक एवं टोपी दिवस भव्यताकासाथ मनाइएको छ ।

अंग्रेजी नयाँ वर्षको दिनमा काठमाडौंसहित देशभरका विभिन्न स्थानमा राष्ट्रिय पहिचान झल्किने कार्यक्रमसहित राष्ट्रिय टोपी दिवस मनाइएको हो ।

सो अवसरमा काठमाडौंका विभिन्न स्थानमा र्‍यायालीसमेत गरिएको छ । मौलिकता, सम्पदा, धरोहरको संरक्षण, राष्ट्रिय पोशाक, झण्डा स्वाभिमानको पहिचान भन्ने नारासहित दिवस मनाइएको हो ।

राष्ट्रिय पोशाक लोप हुने अवस्थामा पुगेको भन्दै त्यसको संरक्षण र संवद्र्धनका लागि दिवस भव्यरुपमा मनाइएको हो ।

कार्यक्रममा राष्ट्रिय पोशाक संरक्षण अभियान नेपालका संयोजक राजनन्द माण्डव्यले १० वर्षदेखि राष्ट्रिय पोशाक दिवस र टोपी दिवस मनाउँदै आएको बताए।