- २३ बैशाख २०८३, बुधबार / May 6, 2026
काठमाडौं । प्रधानमन्त्री केपी शर्मा ओलीले क्याबिनेटका मन्त्रीहरु हेरफेर गर्ने भएका छन् । नेकपाको कार्यदलले सरकारको कामलाई प्रभावकारी बनाउन मन्त्रीहरु हेरफेर गर्न सकिने बाटो खोलिदिएको छ ।
अन्य नेतासँगको परामर्शमा प्रधानमन्त्री ओलीले मन्त्रीहरु फेरबदल गर्ने छन् ।नेकपा कार्यदलले असोजको अन्तिममा केन्द्रीय कमिटीको बैठक बोलाएर महाधिवेशनको तयारी गर्नुपर्ने प्रस्ताव गरेको छ । विहीबार साँझ बालुवाटारमा बसेको नेकपा सचिवालयको बैठकले राष्ट्रियसभामा वामदेव गौतमलाई लैजाने निर्णय गरेपछि अब अर्थमन्त्री युवराज खतिवडाको बहिर्गमन हुने निश्चित भएको छ ।
अब खतिवडाले सम्हालेका दुईवटा मन्त्रालय भने खाली हुँदैछन् । वर्तमान संविधानले मन्त्री, राज्यमन्त्री र सहायक मन्त्रीसमेत गरी २५ जनाभन्दा बढी राख्न नमिल्ने सीमा निर्धारण गरेको छ । अहिलेको मन्त्रिपरिषदमा तीन राज्यमन्त्री गरी २३ जना रहेकोमा अब युवराज खतिवडा बाहिरिएपछि २२ जना मात्र हुनेछन् । यो अवस्थामा ३ जनाभन्दा बढी मन्त्री थप्ने ठाउँ छैन । मन्त्रालय पनि अर्थ, सञ्चार र शहरी विकास गरी तीनवटा मात्रै खाली रहनेछन् ।
