- ६ श्रावण २०८३, बुधबार / Jul 22, 2026
काठमाडौं । महिलालाई ट्याउँ–ट्याउँको संज्ञा दिएर प्रधानमन्त्री केपी शर्मा ओलीले हेप्दै आएको भन्दै त्यसका विरुद्धमा राजधानीमा विरोधका आवाज उठिरहेका छन् ।
वृहत नागरिक आन्दोलनको नाममा आज काठमाडौंमा महिला मार्चपास गरेका छन् । मार्चपासमा बोल्ने वक्ताहरूले प्रधानमन्त्री ओलीले महिला आवाजको सम्मान गर्न नसकेको बताएका छन् ।
मार्चपास पछि भद्रकालीमा सभामा परिणत भएको कार्यक्रमलाई सम्बोधन गर्दै डा. अर्चना थापाले आफुले कल्पना प्रजातन्त्र भन्दा खतरा रहेको भन्दै सरकारले महिला उभिएर बोल्न थाल्यो भने त्यसलाई ट्याउँ–ट्याउँ भनेर खिल्ली उडान थाल्छ भनेर आलोचना गरिन ।
शासकहरूको बोली, शब्द, संकेत पनि बलात्कार लगायतको हिंसाको कारक बनेको उनको दावी छ । प्रधानमन्त्री ओलीको सिफारिसमा राष्ट्रपति विद्यादेवी भण्डारीले ५ पुसमा गरेको संसद विघटनपछि ‘संविधानमाथि बलात्कार’ भयो, ‘चीरहरण’ भयो भन्ने जस्ता शब्द प्रयोग गर्न नहुनेमा उनको जोड थियो ।
भिडियाे हेर्न यहाँ क्लिक गर्नुहाेस्…
कार्यक्रममा मानवअधिकार आयोगकी पूर्वसदस्य मोहना अन्सारी, हिमा विष्ट, रजनी मिलालगायतले प्रतिगमनको विरोध गरेका थिए ।
