- २१ आश्विन २०८३, बुधबार / Oct 7, 2026
चितवन । नेकपा माओवादी केन्द्रका उम्मेदवार सवार गाडीमा आगजनी भएको छ ।
चितवन क्षेत्र नम्बर ३ को प्रदेशसभा (ख) का उम्मेदवार ठाकुर प्रसाद ढकालले चुनावी प्रचारमा प्रयोग गरिरहेको गाडीमा आगजनी भएको हो ।
आगो लागेको थाहा पाएलगत्तै पानी तान्ने मोटरबाट आगो निभाइएको उम्मेदवार ढकालले बताए । आगजनीबाट गाडीमा आंशिक क्षति पुगेको छ ।
ढकाल लोकतान्त्रिक बाम गठबन्धनबाट चितवन ३ (ख) का प्रदेशसभा उम्मेदवार हुन् ।
मास्क लगाई मोटरसाइकल चढेर आएका २ जना अपरिचित युवकले गाडीमा पेट्रोल छर्केर आगो लगाई भागेको ढकालको भनाइ छ ।
