- १ श्रावण २०८३, शुक्रबार / Jul 17, 2026
काठमाडौं । भदौ १६ गतेदेखि सुरु हुने ३ महिने अभियान पार्टीको अन्तिम परीक्षाका रुपमा लिएको नेकपा माओवादी केन्द्रका प्रवक्ता अग्नि सापकोटाले बताएका छन् । पार्टी केन्द्रीय कार्यालय पेरिसडाँडामा बुधबार आयोजित पत्रकार भेटघाटमा सापकोटाले यस्तो बताएका हुन् ।
पार्टीले ३ महिने अभियानको परीक्षाबाट माओवादी पास भएर जाने बताए । उनले भने, ‘यो हामी सबैका लागि परीक्षा हो । यो परीक्षामा हामी सबै सामेल हुन्छौं । मलाई विश्वास छ यो परीक्षामा हामी उतीर्ण हुन्छौं । भदौको १५ गतेसम्म हामी तयारी गर्छौं ।
त्यसपछि जनतामा जान्छौं यो तीन महिने अभियान सफल हुन्छ । यो हाम्रो करिव अन्तिम परीक्षा जस्तै हो ।’ सुन तस्करी प्रकरणलाई निस्कर्षमा पु¥याउन प्रधानमन्त्री पुष्पकमल दाहाल प्रचण्ड प्रतिवद्ध रहेको भन्दै प्रवक्ता सापकोटाले सुन प्रकरण ठीक ढंगले अनुसन्धान गर्न
नेपाल प्रहरीको केन्द्रीय अनुसन्धान ब्यूरो (सीआईबी)लाई जिम्मेवारी दिएको जानकारी दिए । यसलाई अगाडि बढाइछाड्ने माओवादी नेताहरुको प्रतिवद्धता र प्रधानमन्त्रीले पदाधिकारी र केन्द्रीय कमिटी बैठकलाई समेत दोषी उम्कन नपाउने प्रतिवद्धता राखेको बताए ।
