- १८ असार २०८३, बिहीबार / Jul 2, 2026
काभ्रेपलाञ्चोक । काठमाडौँतर्फ आउँदै गरेको बा ६३ प २७२ नंको मोटरसाइकलले बनेपा नगरपालिका वडा नं १३ स्थित भैँसेपाटीमा गएराति ठक्कर दिँदा स्थानीय ६० वर्षीय बालकृष्ण बुढाथोकीको निधन भएको छ ।
बुढाथोकीको उपचारका क्रममा धुलिखेल अस्पतालमा निधन भएको हो । अरनिको राजमार्गअन्तर्गत भैँसेपाटी क्षेत्रमा स्थानीय बासिन्दाले प्रदर्शन गर्दा सो क्षेत्रमा आवत जावत ठप्प रहेको इलाका प्रहरी कार्यालय बनेपाका प्रहरी नायब उपरीक्षक रेशम बोहराले जानकारी दिए ।
सो क्षेत्र भइ आवात जावत गर्ने सवारीसाधन बनेपा–नाला–भक्तपुरको बाटोबाट वैकल्पिक मार्ग प्रयोग गरि सञ्चालन भइरहेको जनाइएको छ ।
