- ९ श्रावण २०८३, शनिबार / Jul 25, 2026
काठमाण्डौं । मंसिर ४ गते हुने प्रतिनिधि सभा र प्रदेश सभा चुनावका लागि मौन अवधिसुरू भइसकेको छ । यो अवधिमा दल वा उम्मेदवारहरूले चुनावी प्रचारप्रसार गर्न पाक्ष्दैन ।
निर्वाचन प्रचारप्रसार सम्बन्धी कुनै पनि सामग्री फेसबुक, ट्वीटर, युट्युबलगायत सामाजिक सञ्जालमा नराख्न आयोगले आग्रह गरेको छ।चुनावी प्रचार सामग्री सामाजिक सञ्जालमा नराख्न र लाइक, कमेन्ट, सेयर, ट्याग वा प्रतिकमेन्टसमेत नगर्न आयोगले प्रयोगकर्ताहरूलाई आग्रह गरेको हो।
सामाजिक सञ्जाल तथा अनलाइन सञ्चार माध्यमबाट कुनै पनि राजनीतिक दल वा उम्मेदवारको विज्ञापन पनि गर्न नपाइने र भए त्यस्ता सामग्री हटाउन आग्रह गरेको छ ।
निर्वाचनका दिन मतदान केन्द्रका वरपर दल वा उम्मेदवारका चुनाव चिन्ह भएका पोशाक, लोगो, ब्याज, झन्डा, टिसर्ट, टोपी, स्टीकरलगायत प्रयोगमा निषेध गरेको छ ।
मौन अवधिमा उम्मेदवारको जन्मदिन परेमा पनि घरबाहिर गएर जन्मदिनका कार्यक्रम नगर्न आयोगले आग्रह गरेको छ। मंसिर ४ गते बिहान ७ बजेदेखि अपरान्ह ५ बजेसम्म १८ वर्ष पुगेकाले ढुक्कसंग मतदान गर्न समय दिइएको छ ।
