- १३ असार २०८३, शनिबार / Jun 27, 2026
काठमाडौं । पोखराबाट जोमसोम जाँदा सम्पर्कविहीन भएको तार एअरको विमानको खोजी भइरहेको मुस्ताङका प्रमुख जिल्ला अधिकारी नेत्र प्रसाद शर्माले बताएका छन् । आइतबार कैलश खबर डटकमसंग कुरा गर्दै प्रमुख जिल्ला अधिकारी शर्माले प्रकुल मौसमका कारण खोजी कार्यमा अवरोध भइरहेकाले जहाजको अवस्थाबारे जानकारी पाउन नसकेको बताएका हुन ।
उनले वरपरको मौसम सफा नभएकाले जहाजको खोजीका लागि गएको हेलिकप्टर मौसम खराब भएपछि फर्किएको जानकारी दिए । यता तारा एअरले पनि आफ्नो हराइरहेको जहाजको खोजी भइरहेको जनाएको छ । नेपाली सेना, नेपाल प्रहरी र तारा एयरको उद्दार टोली स्थलमार्गबाट समेत त्यसतर्फ प्रस्थान गरिसकेको कम्पनीले जनाएको छ ।
तारा एअरले प्रेस विज्ञप्ति जारी गर्दै आफ्नो हराइरहेको जहाजको खोजी तथा उद्दारका लागि काठमाडौं, पोखरा र जोमसोम विमानस्थलमा हेलिकप्टरहरु स्ट्यान्डबाइ राखिएको विज्ञप्तिममा उल्लेख गरेको छ ।
