म्यानमारी जनता माथि सैनिक ‘कु’: जननेतृ आङ सान सूकी पक्राउ

काठमाडौँ । म्यानमार फेरी सैनिक कू भएको । न्याश्नल लिग फर डेमोक्रेसी (एनएलडी) की नेतृ आङ सान सूकीलाई पक्राउ गरेको छ । सत्ता हत्याउने दाउमा सेनाले सूकीलाई पक्राउ गरेको हो।

गत नोभेम्बरमा एनएलडीले सरकार गठनका लागि संसद्‌मा पर्याप्त हुने गरी सिट जितेको छ। तर सेनाले भने उक्त चुनावमा धाँधली भएको जनाएको छ। सोमबार हुन लागेको संसद्को बैठकलाई पछि सार्न सेनाले सरकारलाई आह्वान गरिरहेको छ। राष्ट्रपति वुइन मीयन र अन्य नेताहरूलाई पनि बिहान सबेरै “लगिएको” बताएको बीबीसीले जनाएको छ ।

राजधानी नेपिद्अ र मुख्य सहर यानगुनका गल्लीहरूमा सेना परिचालन भएका छन्।म्यानमारको राजधानीमा टेलिफोन र इन्टरनेट सेवा समेत बन्द गरिएको छ। सेनाले मुख्य मन्त्रीकालाई समेत पक्राउन गरेको बताइएको छ । यसको चौतर्फी विरोध भइरहेको छ ।