यु.एस ओपन टेनिसको सेमिफाइनलमा सर्वियन खेलाडी जोकोभिच प्रवेश

काठमाडौं । यु एस ओपन टेनिसको सर्वियन टेनिस खेलाडी नोभाक जोकोभिच सेमिफाइनलमा प्रवेश गरेका छन् । ग्राण्ड स्लामको क्वाटरफाइनलमा अमेरिकन खेलाडी अमेरिकाको न्युयोर्कमा जारी वर्षको अन्तिम टेलर फ्रिट्जलाई हराउँदै जोकोभिच सेमिफाइनलमा पुगेका हुन् ।

यसपटक यु.एस ओपन जितेको खण्डमा जोकोभिचले सर्वाधिक ग्राण्डस्लाम जित्ने अष्ट्रेलियन खेलाडी मार्गरेट कोर्टको २४ उपाधिको किर्तीमानसँग बराबरी गर्नेछन् । पुरुषतर्फ भने जोकोभिचले जितेको २३ ग्राण्डस्लाम नै अहिलेसम्मको उच्च हो ।

फ्रिट्जविरुद्धको खेल जोकोभिचले ६–१, ६–४ र ६–४ को सोझो सेटमा जिते । सेमिफाइनलमा जोकोभिचको भिडन्त अमेरिकन खेलाडीहरु फ्रान्सेस टियाफो र बेन शेल्टनमध्ये एक जनासँग हुनेछ । करियरमा २३ पटक ग्राण्ड स्लाम जितिसकेका जोकोभिच अब २४ औं उपाधिको खोजीमा छन् ।