- १९ असार २०८३, शुक्रबार / Jul 3, 2026
भक्तपुर । भक्तपुर साकोसले आफ्को २७ औँ स्थापना दिवसका अवसरमा रापिड नेश्नल चेस च्याम्पियनशीप सुरु गरेको छ । आज नेपाल बुद्धिचाल महासंघका कोषाध्यक्ष ताराबहादुर रानाभाट र भक्तपुर साकोसका अध्यक्ष निर्मल प्रजापतिले संयुक्तरुपमा चेसको गोटी चाली प्रतियोगिताको उद्घाटन गरे ।
आज सम्पन्न चार चरणको खेलबाट नेपाल च्याम्पियन रुपेश जैसवाल, पुरुषोत्तम सिलवाल, पूर्व नेपाल च्याम्पियन बद्रीलाल नेपाली, ललितपुरका सरोज महर्जन र भक्तपुरका विक्रम चोकामीले ४ अंकसहित अग्रता कायम गरेका छन् ।
प्रतियोगितामा दोलखाका आशिष फुँयाल, भक्तपुरका राजेश कक्षपति, पूर्व नेपाल च्याम्पियन नवीन तण्डुकार, युवा खेलाडी सुदिप तामाङ, धिरेन राई, सुरज सिंह ३.५ अंकसहित दोस्रो स्थानमा रहेका छन् । पाँचौ चरणदेखि नवौँ चरणसम्मका खेलहरू भने भोली बिहान १० बजेबाट सुरू हुने छन् ।
प्रतियोगिता सम्पन्न भएलगतै अपरान्ह ३ बजे भक्तपुर नगरपालिकाका मेयर सुनिल प्रजापतिको प्रमुख आतिथ्यमा पुरस्कार वितरण कार्यक्रम हुने आयोजक भक्तपुर साकोसले जनाएको छ ।
यसैबीच कार्तिक १९ गते बिहान ८ बजे स्थापना दिवसको अवसरमा सहकारीका ज्येष्ठ सदस्यहरूलाई पोषण वितरण कार्यक्रम राखिएको संस्थाका अध्यक्ष बलराम प्रजापतिले बताए । सो कार्यक्रम सस्थाको प्राङ्गणमा हुने उपाध्यक्ष निर्मल प्रजापतिले बताए ।
