राष्ट्रिय सभाको बैठक आज पनि अवरुद्ध

काठमाडौं । राष्ट्रिय सभाको बैठक आज पनि अवरुद्ध भएको छ । राष्ट्रिय सभा अध्यक्ष गणेशप्रसाद तिमिल्सिनाले बैठक सुरु भएको जानकारी गराएलगत्तै नेकपा एमालेका सांसदहरुले बैठक अवरुद्ध पारेका हुन् । नेकपा एमाले सांसदहरुले ढ्यापढ्याप पार्दै समय मागेपछि अध्यक्ष तिमिल्सिनाले भगवती न्यौपानेलाई समय दिए । न्यौपानेले प्रधानमन्त्री पुष्पकमल दाहाल प्रचण्डले राष्ट्रिय स्वाधिनताविरुद्ध पटक–पटक धावा बोलेको आरोप राजीनामा नआएसम्म बैठक चल्न नदिने बताइन् । त्यसपछि एमाले सांसदहरु आफ्नो स्थानबाट उठे ।

पटक पटक अध्यक्ष तिमिल्सिनाले जनताका विविधि विषयमा छलफल गर्नुपर्ने बताउँदै बैठक सन्चालनको वातावरण बनाउन आग्रह गरे पनि एमाले सांसदहरुले आफ्नो स्थानमा उठेर विरोध जनाइरहे । यसअघि प्रधानमन्त्री पुुष्पकमल दाहाल ’माओवादी केन्द्रका अध्यक्षसमेत रहेका प्रधानमन्त्री प्रचण्डले आफूलाई प्रधानमन्त्री बनाउन सरदार प्रितम सिंह पटक–पटक दिल्ली गएको भनेर सार्वजनिक अभिव्यक्ति दिएपछि त्यसको विरोधमा एमालेले संघीय संसदका दुवै सदन अवरुद्ध गर्दै आएको छ ।