जीर्ण भवन भत्किंदा ब्राजिलमा १४ को मृत्यु

एजेन्सी । जीर्ण भवन भत्किंदा ब्राजिलमा १४ जनाको मृत्यु भएको छ । बेसाहारा र घरबारबिहीनहरु बस्दै आएको सरकारी भवनमा बस्न प्रतिबन्ध लगाइए पनि अटेर गरी मानिसहरु बस्दै आएपछि उक्त भवन भत्किदा १४ जनाको मृत्यु भएको हो ।

ब्राजिलको पुर्वी क्षेत्र पेरनामबु राज्यमा भएको उक्त घटनामा दर्जनौ घाइते भएको सञ्चारमाध्यमले जनाएका छन् । ब्राजीलमा हरेक वर्ष जीर्ण भवन भत्किंदा थुप्रैको मृत्यु हुने गरेको छ ।

जीर्ण अवस्थामा रेहको उक्त भवन भारी वर्षाका कारण ढलेको हो । रातको समयमा भवन ढल्दा अधिकांश मानिस मस्त निद्रामा थिए । भवनको भग्नावशेषबाट तीन जनालाई जिवितै उद्धार गरिएको छ भने केही भग्नावेशषमा च्यापिएको अनुमान छ ।