रिहा भए रोनाल्डिन्हो

पराग्वे । नक्कली पासपोर्ट प्रयोग गरेको अभियोगमा पक्राउ परेका ब्राजिलका पूर्व फुटबलर रोनाल्डिन्हो नजरबन्दबाट मुक्त भएका छन् । फर्जी पासपोर्ट प्रकरणमा रोनाल्डिन्हो, उनका भाइ र अन्य चार जना पक्राउ परेका थिए ।

पछिल्लो समय उनीहरूलाई राजधानी असुन्सियनको एक सुविधासम्पन्न होटलमा नजरबन्दमा राखिएको थियो । त्यसअघि उनीहरूले १ महिना जेल बिताउनुपरेको थियो । घटनामा जमानत पाएपछि उनीहरूलाई होटलमा नजरबन्दमा राखिएको थियो । रिहा भएका रोनाल्डिन्होले २ लाख अमेरिकी डलर जरिमाना भने तिर्नुपर्नेछ ।