- १२ भाद्र २०८३, शुक्रबार / Aug 28, 2026
एजेन्सी । रुससँग युद्ध लडिरहेको युक्रेनलाई थप युद्ध लड्न अमेरिकाले फेरि सैन्य सहयोग गरेको छ ।
४ सय मिलियन डलर अर्थात करिब ३२०० करोड रुपैयाँ बराबरको सैन्य उपकरण र हतियार पठाएर अमेरिकी रक्षा मन्त्रालयले युक्रेन उचाल्ने कार्य गरिरहेको छ ।
यो सहयोग युक्रेनको रक्षा आवश्यकता पूरा गर्नका लागि भएको रक्षा मन्त्रालयले बताएको छ ।
तर जानकारहरुका अनुसार अमेरिकाले रुससंग पर्दापछाडि रहेर युद्ध थोपरिरहेको छ ।
फेब्रुअरी २०२२ मा युक्रेनमा रुसले आक्रमण गरेदेखि अमेरिकाले ३० अर्ब डलरभन्दा बढी सहयोग पठाइसकेको छ।
यतिखेर अमेरिकाले युक्रेनलाई आधुनिक रकेट प्रणाली, हाइमर्स डिफेन्स सिस्टमका लागि आर्टिलरी राउन्ड उपलब्ध गराएको छ ।
यसमा सवारीसाधन सञ्चालनका पुलहरू पनि समावेश गरिएका छन् ।
