वडा–वडामा मतदाता शिक्षा दिइदै

काठमाडौं । निर्वाचन कार्यालयले स्थानीय तहको समन्यवमा आज १८ गतेदेखि वडा–वडामा मतदाता शिक्षा दिइने भएको छ । मतदान प्रक्रिया र बदर मतको संख्या कम गर्नका जिल्ला जिल्लामा मतदाता शिक्षा दिन लागिएको हो ।

स्थानीय तहमा प्रमुख प्रशासकीय अधिकृत र वडामा वडा सचिवको नेतृत्वमा रहने समितिले निर्वाचन शिक्षा दिनेछ । वडा सचिवले मतदाता शिक्षाका लागि स्वयंसेविका नियुक्ति गरी निर्वाचन शिक्षा दिनेछन् । वडा सचिव र स्वयंसेविकाले वडाको टोल तहमा पुगेर मतदाता शिक्षा दिनेछन् ।

उनीहरुले मतदान कसरी गर्ने र आफ्नो मत कसरी सुरक्षित गर्ने भन्ने विषयमा जानकारी गराउने छन् । निर्वाचन कार्यालयले अनुगमन अधिकृतहरुलाई मंगलबार प्रशिक्षण समेत दिइएको थियो । दलहरु आफैंले मतदाता शिक्षा दिन थालेका छन् ।