- २७ श्रावण २०८३, बुधबार / Aug 12, 2026
काठमाडौं । नेत्रविक्रम चन्द विप्लव नेतृत्वको नेकपा परित्याग गरी दर्जनौं नेता तथा कार्यकर्ताहरू माओवादी केन्द्रमा प्रवेश गरेका छ्न् ।
खुमलटारमा आयोजित एक कार्यक्रममा विप्लव नेतृत्वको नेकपाका केन्द्रीय सदस्य, पूर्व बटालियन तथा कम्पनी कमाण्डरहरू, संविधानसभा सदस्य तथा प्रदेश र जिल्ला ब्यूरोका तीन दर्जनबढी नेता तथा कार्यकर्ता केन्द्रमा पार्टी प्रवेश गरेका हुन् ।
नवप्रवेशीहरूलाई स्वागत गर्दै अध्यक्ष प्रचण्डले प्रतिक्रियावादी शक्तिहरूले जनयुद्धकालमा माओवादीलाई घेराबन्दी गर्ने, भ्रम छर्ने र सिध्याउने रणनीति लिएको बताउँदै अहिले पनि प्रतिक्रियावादी शक्तिहरू त्यही रणनीतिअन्तर्गत माओवादी आन्दोलनलाई क्षतविक्षत पार्न लागि परेको बताए ।
विप्लवले पनि लचकता देखाउदै प्रचण्ड तीर झुकाव राखेको नवप्रवेशीहरुले बताएका छन् । गठबन्धन अहिले उपुयक्त भएकाले काँग्रेसको नेतृत्वमा रहेको पाँच दलिय गठबन्धनका पछि लागेको उपयुक्त बाटो प्रचण्ड भएकाले यता आएको उनीहरुले बताए ।
