श्री बाराही बचत तथा ऋण सहकारी संस्थाको रजत वर्ष उद्घाटन नेमकिपा अध्यक्ष विजुक्छेंले गर्ने, आज खुल्ला रक्तदान सम्पन्न

भक्तपुर । श्री बाराही बचत तथा ऋण सहकारी संस्था लि.ले रजत वर्षको अवसरमा रक्तदान कार्यक्रमको आयोजना सम्पन्न गरेको छ । २५ औं स्थापना दिवसको उपलक्ष्यमा सूर्यविनायक चोकमा आयोजना गरेको खुल्ला रक्तदान कार्यक्रममा ९ महिला र ४६ जना पुरुष गरी ५५ जनाले रक्तदान गरेका छन् । शुभारम्भ समारोहको उद्घाटन भने श्रावण ४ गते नेमकिपाका अध्यक्ष बारायणमान विजुक्छेले गर्ने सस्थाका अध्यक्ष विश्वराम त्वायनाले बताए ।

उक्त कार्यक्रममा सम्पूर्ण सदस्यहरुलाई उपस्थितिका लागि निमन्त्रणा गरिएको सस्थाका निवर्तमान अध्यक्ष बलराम प्रजापतिले बताए । संस्थाको प्राङ्गणबाट ¥यालि निकालेर नगर परिक्रमा गरेर अजिमा पाटी प्यालेस, बाराहीस्थानमा कार्यक्रम आयोजना गरिएको संयोजक कृष्ण भक्त बोडेले बताए । यस्तै स्थापना दिवसको अवसरमा ६८ वर्ष देखिमाथिका जेष्ठ सदस्यहरुलाई सम्मान गरिने सस्थाले जनाएको छ ।

त्यसका लागि जेष्ठ सदस्यहरुले संस्थामा नाम दर्ता अनिवार्य गराउन अनुरोध गरेको छ । समुदायमा आधारित सहकारी भएर होला कुनै समस्या नभएको र मनपरी पैसा लगानी गर्ने सञ्चालक समिति पनि नभएको सस्थापक अध्यक्ष राधेश्याम सुवाले बताए । केही गर्न परे पनि सल्लाह अनुसार गरिने भएकाले सदस्यको बचतलाई सहि सदुपयोग गरेको उनको भनाइ छ । समुदायको निर्णय नै सर्वोपरि हुने भएकाले यस सहकारीले सहि छाप छोड्न सफल भएको बताए ।

हेर्नुहोस् भिडियो…

रक्तदान गरिसकेपछि शरिरमा कुनै समस्या नआएको शिवराम सुवालले बताए । ब्लड डोनेशन जति गरेपनि राम्रो हुने भएकाले आफुले डोनेट गरेको उनको भनाइ छ । त्यस्तै आफुले तीन पटक रक्तदान गरेको युवराज तामाङले बताए । अरुले पनि रक्तदानमा सहभागि भएर जीवन बचाउन र पूण्य कमाउन आग्रह गरे ।

तस्वीरमा..