संघीय संसदमा सरकारको नीति तथा कार्यक्रममाथिको छलफल जारी

काठमाडौं । सरकारको नीति तथा कार्यक्रममाथिको छलफल संघीय संसद प्रनिधिसभाको बैठकमा सोमबार पनि जारी रहनेछ । बैठक बिहान ११ बजे संघीय संसद भवन नयाँ बानेश्वरमा बस्ने छ । नीति तथा कार्यक्रममाथि आइतबारदेखि छलफल सुरू भएको हो। राष्ट्रियसभाको बैठक पनि सोमबार दिउँसो १ बजे बस्दैछ । राष्ट्रियसभा बैठकमा पनि नीति तथा कार्यक्रममाथिको छलफल जारी रहने संसद सचिवालयले जनाएको छ ।

राष्ट्रपति रामचन्द्र पौडेलले गत जेठ ५ गते संघीय संसदको दुवै सदनको संयुक्त बैठकमा आर्थिक वर्ष २०८० र ०८१ को वार्षिक नीति तथा कार्यक्रम प्रस्तुत गरेका थिए । संसद सचिवालयका अनुसार नीति तथा कार्यक्रममाथि सांसदहरूले आ–आफ्नो धारणा राखिरहेका छन् । प्रतिपक्षि दलका सांसदहरूले नीति तथा कार्यक्रमको आलोचना गरिरहेका छन् ।