सडकमा बसेर वृद्धवृद्धा कुर्दै जेष्ठ नागरिक

जाजरकोट । भेरी नगरपालिकाले बैंकमा जम्मा गरिदिएको सामाजिक सुरक्षा भत्ता बुझन वृद्धवृद्धाहरु सडकमा बसेर पालो कुरिरहेका छन् । ठाउँ नहुँदा सडकको भुइँमा बसेर पालो कुर्न बाध्य भएका हुन् ।

तीन घण्टा हिडेर बैंकमा आएका जेष्ठ नागरिकहरुले पालो नपाउँदा भुइँमा यस्तो बाध्यता भएको बताए । बैंकको अगाडि साना हलुका सवारी साधन रोक्ने र टिकट काट्ने ठाउँसमेत रहेको सिटिजन्स बैंक अगाडि सेवा लिन पुगेका जेष्ठ नागरिकले चिसो भुइँमा बसेर हैरान खेप्नु परेको बताए ।

बुढेसकालमा भत्ता बुझन नै बैंकमा आएर लाइन लाग्नु पर्ने हटाउनु पर्ने उनको भनाइ छ । बैंकले बस्ने व्यवस्थापन गर्नु पर्ने जेष्ठ नागरिकले बताए । सिटिजन्स बैंकले भेरी नगरपालिका १ र ३ का झण्डै ९०० जना जेष्ठ नागरिकलाई भत्ताको भुक्तानी दिदै आएको म्यानेजर टरर्जन अधिकारीले बताए ।