- २ श्रावण २०८३, शनिबार / Jul 18, 2026
काठमाठौं । सत्ता गठबन्धनबीच पेचिलो बन्दै गएको सिट बाँडफाँटका बिषयमा सहमति जुटेको छ । प्रधानमन्त्री निवास बालुवाटारमा गठबन्धका शीर्ष नेताहरुको बैठकले उक्त बिषयमा सहमति गर्दै बिहीबार मन्त्रीपरिषद् विस्तार गर्ने निर्णय गरेका हुन् । दश दलीय गठबन्धनको बैठकले ९ दल सरकारमा सहभागी हुने निर्णय गरेको हो ।
सरकारमा सहभागी हुनेमा कांग्रेस, माओवादी, एकीकृत समाजवादी, जसपा, लोसपा, जनमत पार्टी, नागरिक उन्मुक्ति पार्टी, आम जनता पार्टी र नेपाल समाजवादी पार्टी रहेका छन् ।
यता गत पुस १० मा बनेको सत्ता समीकरण अनुसार उपप्रधानसहित ३ मन्त्री र एक राज्यमन्त्री लिएर रास्वपा सरकारमा सहभागी भएको थियो । नागरिकता विवादबाट सरकारबाट बाहिरीएको रास्वपाले गठबन्धनका दलभित्र भएको मन्त्रालयको भागबण्डा सरकारमा सहभागी हुन नपाउने भएको छ ।
गठबन्धनका दलहरुबीच कांग्रेस ८, माओवादीलाई प्रधानमन्त्रीसहित ५, एकीकृत २ र जसपालाई २ मन्त्रालय पाउने सहमति भएको छ । यस्तै जनमतलाई एक राज्यमन्त्रीसहित २, लोसपा १, उन्मुक्तिलाई १, आम जनता पार्टीलाई १ र नेसपालाई १ मन्त्रालय दिने सहमति भएको एक नेताले बताए ।
त्यस्तै आजको बैठकमा कुन दलले कुन मन्त्रालय लिने भन्ने बिषयमा छलफल नभएको र यस विषयमा दलहरुबीच पुनः छलफल गरि निष्कर्षमा पुगिने बताइएको छ ।
