सन् २०४६ देखि लागू हुने, नाटोले सुरक्षा बजेट वृद्धि गर्ने निर्णय

एजेन्सी, १२ असार । उत्तर एट्लान्टिक सन्धि सङ्गठन (नाटो) ले सुरक्षा खर्चमा ५ प्रतिशतले वृद्धि गर्ने निर्णय गरेको छ। सन् २०४६ देखि लागू हुनेगरी गरिएको निर्णय नाटो शिखर सम्मेलनमा सहमति गरिएको हो।

नेदरल्यान्ड्सको हेगमा जारी सम्मेलनमा अमेरिकी राष्ट्रपति डोनाल्ड ट्रम्पले यस निर्णयलाई “अमेरिका र पश्चिमी सभ्यताको ठूलो जीत” को रूपमा व्याख्या गरेका छन्। उनले निरन्तर एक महिनादेखि दबाब दिँदै आएको जनाउँदै बीबीसीले ट्रम्पको उद्धरण दिएको छ।

नाटोका सदस्य राष्ट्रहरूद्वारा जारी संयुक्त वक्तव्यमा रुस तथा विद्रोहीहरूबाट उत्पन्न बढ्दो चुनौतीका कारण सुरक्षा संयन्त्र बलियो बनाउन खर्च वृद्धि अपरिहार्य भएको उल्लेख गरिएको छ।

यस्तै, सम्मेलनमा राष्ट्रपति ट्रम्पले इरानमाथि अमेरिकाले हालै गरेको आक्रमणको तुलना दोस्रो विश्वयुद्धको हिरोशिमा–नागासाकी आणविक बम आक्रमणसँग गरेका छन्।

उनको दाबी अनुसार, “त्यसबेला जस्तै हाल इरानको आणविक केन्द्रमा गरिएको हमला इजरायल–इरान युद्ध अन्त्य गर्न निर्णायक बनेको छ।”