- २ भाद्र २०८३, मंगलवार / Aug 18, 2026
कञ्चनपुर । भीमदत्त नगरपालिका–९ स्थित भारतसँग सीमा जोडिएको नेपाली ब्रह्मदेव बजारमा पछिल्लो केही दिनयता चहलपहल बढेको छ ।
भारतको प्रसिद्ध तीर्थस्थल पूर्णागिरिमा लागेको नवरात्र मेलाका कारण सीमावर्ती नेपाली बजार ब्रह्मदेवमा पनि भारतीय तीर्थालुको चहलपहल बढेको हो । पूर्णागिरि मन्दिरको दर्शन पछि ब्रह्मदेव वा महेन्द्रनगरमा रहेको सिद्धनाथ मन्दिरको समेत दर्शनपश्चात् मनोकामना पूरा हुने धार्मिक मान्यता र विश्वास रहेको छ ।
त्यसैले उत्तराखण्ड र उत्तरप्रदेशका विभिन्न ठाउँबाट सवारीसाधन भाडा गरेर सामूहिक रुपमा भारतीय तीर्थालु सिद्धनाथ मन्दिरको दर्शन गर्न ब्रह्मदेव पुगेका छन् । घटस्थापनादेखि सुरु हुने नवरात्र मेलाले ब्रह्मदेव बजारमा भारतीय तीर्थालुको घुइँचो लागेको छ ।
पूर्णागिरि जाने क्रममा सडक सहज नहुँदा केही सास्ती खेप्नु परेको दर्शनार्थीको गुनासो छ । मन्दिर सरसफाइका साथै तीर्थालुको सुविधाका लागि शुद्ध पिउने पानीको व्यवस्थापन गरिएको उहाँको भनाइ छ । ब्रह्मदेवमा भारतीय दर्शनार्थीको भीड बाक्लिएसँगै व्यापार पनि वृद्धि हुने व्यवसायीको विश्वास छ ।
भारतीय दर्शनार्थीलाई लक्षित गरेर ब्रह्मदेव बजारमा अहिले छाप्रो बनाएर खेलौनालगायतका स–साना पसलहरु पनि थापिएका छन् । मेला भर्न आउने भारतीय दर्शनार्थीले जुत्ता, चप्पल, टर्च, छाता, खेलौना, क्रिम, भिक्सलगायत रेडिमेड कपडा रुचाउने गरेका छन् ।
