- १५ श्रावण २०८३, शुक्रबार / Jul 31, 2026
सुर्खेत । निर्वाचन क्षेत्र नम्बर–२ को मतगाणनाका लागि सर्वदलिय बैठक बसेको छ। प्रतिनिधिसभा र प्रदेशसभा निर्वाचनको मतगणनाका लागि सर्वदलिय बैठक बसेको हो ।
सबै मतदान केन्द्रबाट सोमबार बिहान तीन बजेभित्र मतपेटिका मतगणना स्थलमा ल्याइसकिएको छ । सुर्खेत –२ को मतगणना वीरेन्द्रनगर नगरपालिका–६ मा रहेको सुर्खेत सभा हलमा हुँदैछ ।
यस्तै, सुर्खेत निर्वाचन क्षेत्र नम्बर–१ अन्तर्गत सिम्ता गाउँपालिका–६ को सिम्ता बहुमुखी क्याम्पसमा रहेको मतदान केन्द्रमा मतदान स्थगित भएको छ । मत पेटिकामा फरक मतपत्र फेला परेपछि आइतबार मतदान स्थगित भएको थियो ।
सुर्खेत निर्वाचन क्षेत्र नम्बर १ का मतदान अधिकृत वीरेन्द्रनगरमा हुने सर्वदलिय बैठकमा सहभागी हुदैछन् । बैठकमा सिम्ता बहुमुखी मतदान केन्द्रमा मतदान कहिले गर्ने विषयमा छलफल हुने बताइएको छ।
