स्कुलमा गोली चल्दा ६ जनाको मृत्यु, यस्ताे छ कारण

काठमाडौं । अमेरिकाको टेनेसीमा एक निजी स्कुलमा गोली चलेको छ । उक्त घटनामा तीन बालबालिकासहित ६ जनाको मृत्यु भएको छ । न्यासभिलस्थित क्रिश्चियन स्कुल कोभेन्टमा एक युवतीले असाल्ट राइफल र ह्याण्ड गनबाट अन्धाधुन्द गोली चलाएकी थिइन् ।

उनी पनि प्रहरीको गोली लागेर मारिएकी छन् । विद्यार्थी र शिक्षिकाहरुसहित ६ जनाको गोली लागेर स्कुलका मृत्यु भएको छ । मृत्यु हुने विद्यार्थीहरु ९ वर्ष मुनिका छन् । मृत्यु भएका अन्यमा स्कुलकी प्रमुख, शिक्षिका र सुरक्षा गार्ड छन् ।

कोभेन्ट स्कुलमा करिब २०० विद्यार्थीहरु अध्यन गरिरहेका छन् । त्यहाँ तीन वर्षदेखि १२ वर्षसम्मका बालबालिकाहरु पढ्छन् । २८ वर्षीया महिला आन्ड्रे हेलले स्कुलमा गोली चलाएकी प्रहरीले जनाएको छ । तर उनले स्कुलका अवोध बालबालिकाहरुलाई निशाना बनाउनुको कारण अहिले खुलेको छैन ।