स्वीट्जरल्यान्डसँग बराबरीमा रोकियो स्पेन

काठमाडौं । दुई पेनाल्टी कप्तान सर्जियो रामोसले चुकाउँदा स्पेन नेसन्स लिग फुटबलमा स्वीट्जरल्यान्डसँग बराबरीमा रोकिएको छ । ३४ वर्षीय रामोसको ५७ औँ मिनेटमा पहिलो प्रहार यान सोमरले डाइभ दिँदै बचाएका थिए । ८० औँ मिनेटको दोस्रो पेनाल्टी प्रहार असफल भयो ।

दुवै पेनाल्टी चुअकाउनुअघि स्वीट्जरल्यान्डले भने खेलमा अग्रता लिइसकेको थियो । घरेलु टोलीले २६औँ मिनेटमा ब्रिल एम्बोलोको क्रसमा रिमो फ्रयूलरले गोल गरेपछि अग्रता लिएको थियो । खेलको ८९औँ मिनेटमा सर्जियो रेगुईलोनको क्रसमा जेरार्ड मोरेनोले गोल गर्दै स्पेनलाई हारबाट जोगाए । बराबरीले पनि स्पेनको अर्को चरणमा पुग्ने सम्भावना भने कायमै छ । स्पेन ५ खेलमा ८ अंकसहित समूह ए ४ मा दोस्रो स्थानमा छ ।