हवाई सुरक्षा सुदृढिकरण गर्न प्राधिकरण तयार छ

काठमाडौँ । मुलुकको हवाई सुरक्षा सुदृढिकरण गर्न नेपाल नागरिक उड्डयन प्राधिकरणले चासो देखाएको छ । हवाई सुरक्षासँग जोडिएका घटना सार्वजनिक भइरहदा प्राधिकरणले हवाई सुरक्षामा विशेष चासो देखाएको हो । हवाई सुरक्षाप्रति कुनै किसिमको कमिकमजोरी हुन नदिन प्राधिकरणले सम्बन्धित निकायले ध्यानाकर्षण गराएको छ ।

नेपाल वायुसेवा निगम (नेपाल एयरलाइन्स) सँग आकासमै ठोकिनबाट जोगिएको एयर इण्डियाको जहाजको सम्बन्धमा छानबिन गर्ने भएको प्राधिकरणले जनाएको छ । हवाई सुरक्षा पालनामा लापरबाही गर्ने र आचरण विपरीत काम गर्ने बिमान कम्पनी र संलग्न पाइलटलाई कानुनी दायरामा ल्याउन प्राधिकरण कुनै कन्जुस्याई नगर्ने र मुलुकको हवाई सुरक्षा संवेदनशीलतालाई मध्यनजर गर्दै उडान सुरक्षालाई सुदृढ र प्रभावकारी तुल्याउन लागि परेको प्राधिकरणले जनाएको छ ।

मुलुकमा बढ्दो हवाई सुरक्षामा देखिएका जोखिमीलाई मध्यनजर गरी प्राधिकरणले विभिन्न तवरले सुक्ष्म निगरानी बढाएको प्राधिकरणले जनाएको छ ।