७९ जना यात्रु सवार श्रीएअरलाइन्सको जहाज आकस्मिक अवतरण

काठमाडौं । श्रीएअरलाईन्सको जहाज नेपालगञ्ज विमानस्थलमा आकस्मिक रुपमा अवतरण भएको छ । जहाजमा धुँवा देखिएपछि उडेको ६ मिनेटमा नै आकस्मिक अवतरण भएको श्रीएअरलाईन्स, नेपालगञ्ज स्टेशन प्रमुख पर्शुराम चौधरीले बताए ।

नेपालगञ्जबाट काठमाडौँतर्फ उडेको ९ एन— एएनएफ ४३२ नं को श्रीएअरलाइन्सको जहाज आकस्मिक अवतरण भएको हो । सो जहाजमा सवार ७९ जना यात्रु सबै सकुशल रहेको प्रमुख चौधरीले बताए ।

काठमाठौँबाट इञ्जिनीयरको टोली आएर त्यसको विस्तृत अनुसन्धानपछि कारण पत्ता लाग्ने चौधरीले बताए । जहाजको अवतरणका क्रममा ‘फूल इमर्जेन्सी’ व्यवस्था गरिएकोले जहाज सुरक्षित अवतरण भएको र विमानको प्राविधिक चाँच सुरू भएको विमानस्थल कार्यालयले जनाएको छ ।