नेपाल आज पाकिस्तानसँग भिड्दै

काठमाडौं । अफ्रिकामा जारी आइसिसी यु १९ विश्वकप क्रिकेटमा नेपाल आज पाकिस्तानसँग भिड्दैछ । समूह ‘डी’ मा रहेको नेपालले समूह चरणको दोस्रो खेल खेल्न लागेको हो ।

पहिलो खेलमा न्युजिल्यान्डसँग ६४ रनले हारेकोले नेपाललाई अर्को चरणसम्म पुग्न आजको खेल निकै महत्त्वपूर्ण रहेको छ । यही समूहमा रहेको पाकिस्तानले पहिलो खेलमा अफगानिस्तानलाई हराएको थियो ।

न्युजिल्यान्डविरुद्धको पहिलो खेलमा जितको लागि तीन सय तीन रनको लक्ष्य पाएको नेपालले दुई सय ३८ रन मात्रै बनाउन सकेको थियो । नेपालले समूहको तेस्रो तथा अन्तिम खेल १२ गते अफगानिस्तानसँग खेल्नेछ ।