- २९ श्रावण २०८३, शुक्रबार / Aug 14, 2026
भक्तपुर, ३२ असार । यातायात व्यवस्था कार्यालयले पछिल्ला तीन महिनामा ९० हजार थान सवारीचालक अनुमतिपत्र (लाइसेन्स) वितरण गरेको छ।
उक्त अवधिमा लाइसेन्स वितरणबाट १९ करोड ८२ लाख रुपैयाँ राजस्व सङ्कलन भएको कार्यालयले जनाएको छ।
कार्यालय प्रमुख प्रविण श्रेष्ठका अनुसार तीन महिनाको अवधिमा दुई लाख ३८ हजार थान सवारीचालक अनुमतिपत्र छापिएको थियो। तीमध्ये हालसम्म ९० हजार सेवाग्राहीलाई अनुमतिपत्र वितरण गरिएको छ।
उनले अहिले दैनिक एक हजारदेखि एक हजार ८०० जना सेवाग्राहीलाई सवारीचालक अनुमतिपत्र उपलब्ध गराइँदै आएको जानकारी दिए।
कार्यालयका अनुसार छापिएका बाँकी अनुमतिपत्र पनि क्रमशः सम्बन्धित सेवाग्राहीलाई वितरण गर्ने प्रक्रिया जारी रहेको छ।
