- २८ भाद्र २०८३, आईतवार / Sep 13, 2026
काठमाडौं, १२ साउन । मुग्लिन नजिकै सुक्खा पहिरो खसेर अवरुद्ध भएको नारायणगढ–मुग्लिन सडक खण्ड झण्डै साढे ४ घण्टापछि दुईतर्फी रूपमा सञ्चालनमा आएको छ।
मंगलबार बिहान नारायणगढ–मुग्लिन सडक अन्तर्गत मुग्लिन नजिक रहेको खहरे खोला क्षेत्रमा सुक्खा पहिरो खस्दा सडक पूर्ण रूपमा अवरुद्ध भएको थियो। पहिरोका कारण दुवैतर्फ सवारी साधन रोकिएका थिए भने यात्रुले लामो समय सास्ती भोग्नुपरेको थियो।
सडक डिभिजन कार्यालय भरतपुरका अनुसार पहिरो हटाउन तीन वटा मेसिन (स्काभेटर/डोजर) प्रयोग गरिएको थियो। पहिरो पूर्ण रूपमा पन्छाएपछि सडक दुवैतर्फबाट सवारी साधन सञ्चालनमा ल्याइएको हो।
प्रहरी र सडक डिभिजनको समन्वयमा सडक खुलाइएपछि रोकिएका सवारी साधनलाई क्रमशः गन्तव्यतर्फ पठाउन थालिएको छ। वर्षायामका कारण यस सडकखण्डमा यात्रा गर्दा आवश्यक सतर्कता अपनाउन सम्बन्धित निकायले आग्रह गरेका छन्।
