जाजरकोटको आगलागीमा परेर एक बालकको ज्यान गयो

जाजरकोट । जाजरकोटको आगलागीमा परेर एक बालकको ज्यान गएको छ । जाजरकोटको कुशे गाउँपालिकामा भएको आगलागीमा परेर बालकको ज्यान गएको हो । जनक बहादुर रोकायको घरमा खाना पकाउने चुलोबाट छानामा आगो सल्किएर आगलागी हुँदा उनका १२ वर्षका छोरा अमरको ज्यान गएको हो ।

कुशे गाउँपालिका वडा नम्बर ८ ग्राक्ली साँक्टका जनक र आमा बिजुली रोकाय घाइते हुनुभएको जाजरकोट प्रहरीले जनाएको छ । पशु चौपायालाई पनि स्थानीयबासिन्दाले बाहिर निकाल्न भ्याएका छन् ।

धन, पैसा र लत्ताकपडा भने सबै जलेर नष्ट भएका छन् । प्रहरीका अनुसार ७ जनाको परिवार रहेको घरमा अरूको सकुशल उद्धार भएको छ ।