- १६ जेष्ठ २०८३, शनिबार / May 30, 2026
काठमाडौँ । एक जना विद्यार्थाीलाई १ अर्ब ८७ करोड ७ लाख १३ हजार बराबरको अभौतिक मुद्रा (क्रिप्टो करेन्सी) को कारोबार गरेको आरोप लागेको छ । धादिङको खनियावास गाउँपालिका–४ घर भएर टोखामा बस्ने रोशन गुरुङलाई उक्त आरोप लागेको हो । झण्डै दुई अर्बको कारोबार देखिए पनि रोशनको गोजी ‘रित्तै’ छ ।
अनुसन्धान अधिकृतहरूका अनुसार उनी पठाओ चढेर हिँड्छन् । कलिलो उमेरमा अर्बको कारोबार सामान्य कुरा होइन । तर, सूचना प्रविधि पढेका युवाहरू पछिल्लो समय नेपालको कानुनले अवैध मानेको ‘क्रिप्टो कारोबार’ गरिरहेका छन् ।
काठमाडौँको तिलिङ्गेटारबाट फागुन १९ मा पक्राउ परेका रोशन अहिले भद्रकाली स्थित जिल्ला प्रहरी परिसर काठमाडौँको हिरासतमा छन् । डिजिटल मुद्रा कारोबार गर्नेहरूको सूचना संकलन गरेर सूक्ष्म अनुसन्धान भइरहेको काठमाडौँ प्रहरीले जनाएको छ ।
