- १६ जेष्ठ २०८३, शनिबार / May 30, 2026
काठमाडौँ । स्वास्थ्य तथा जनसङ्ख्या मन्त्रालयले एक जनालाई सेवाबाट हटाउने तयारी गरेको छ । कन्सल्टेन्ट नेफ्रोलोजिष्ट (नवौँ तह) डा. सन्तोष क्षेत्रीलाई सेवाबाट हटाउने तयारी गरेको हो ।
मन्त्रालयले सेवाबाट हटाउनु नपर्ने कुनै कारण भए सबुत प्रमाणसहित स्पष्टीकरण पेस गर्न भनेको छ । यसबारे मन्त्रालयले सोमबार एक सार्वजनिक सूचना नै प्रकाशित गरेको छ ।
गत साउन १८ गतेदेखि बिदा स्वीकृत नगराई कार्यालय उपस्थित नभएपछि उनलाई मन्त्रालयले सेवाबाट हटाउने तयारीस्वरुप दोस्रो पटक स्पष्टीकरण सोधेको हो ।
यसअघि गत फागुन १० मा उनलाई ७ दिने स्पष्टीकरण सोधिएको थियो । तर उनको स्पष्टीकरण सन्तोषजनक नभएकाले अहिले फेरि सेवाबाट किन नहटाउने भनी १५ दिनको समय दिएर अर्को स्पष्टीकरण सोधिएको हो ।
