- ३१ असार २०८३, बुधबार / Jul 15, 2026
भक्तपुर । चाँगुनारायण नगरपालिका– २ दुवाकोटस्थित प्लाई कार्पेट कारखानामा आगलागीहुदा करिब २ करोड बराबरको क्षति भएको छ । आगलागीमा परी दुई जना घाइते भएका छन् । एक जनाको अवस्था गम्भीर छ । आगो भक्तपुर, काठमाडौं, ललितपुर र काभ्रेका गरी ७ वटा दमकल नियन्त्रणमा लिएको हो ।
नेपाल प्रहरी, सशस्त्र प्रहरीको टोली खटिएको थियो । आगो लागेको स्थानबाट अहिले पनि सानो धुवाँ आइरहेकाले दमकल र स्काभेटरले निभाउने काम जारी जिल्ला प्रहरी परिसर भक्तपुरका प्रवक्ता राजन कार्कीले बताए ।
सन्तोषमान श्रेष्ठले सन्चालन गरेको ज्योति प्लाई कार्पेट कारखानामा भएको आगलागीमा परी रामेछापको लिखु तामाकोशी गाउँपालिका वडा नं ६ घर भई हाल भक्तपुरको दुवाकोट बस्ने वर्ष २३ को बुद्धनारायण श्रेष्ठ सामान्य घाइते भएका छन् । भारत घर भई सोही उद्योगमा काम गर्ने २९ वर्षका मनु उर्वा गम्भिर घाइते छन् ।
घाइतेको उपचार डा.ईवामुरा अस्पताल भएपनि थप उपचारका लागि कीर्तिपुर वर्न अस्पताल लगिएको छ । आगलागीबाट १ करोड ८० लाख रुपैयाँको क्षति भएको प्रहरीको अनुमान छ ।
