मोटरसाइकल र टेम्पो एकआपसमा ठोक्किदा एक जनाको मृत्यु

काठमाडौं । मोटरसाइकल र टेम्पो एकआपसमा ठोक्किदा बारामा एक जनाको मृत्यु भएको छ। चारजना सवार रहेको मोटरसाइकल टेम्पोसँग ठोक्किएर तीन जना घाइते भएका छन्।

कलैया उपमहानगरपालिका १२ धर्मनगरमा सोमबार राति कलैयाबाट धर्मनगर जाँदै गरेको ना ५४ प ४७४८ नम्बरको मोटरसाइकल विपरीत दिशाबाट आउँदै गरेको ना २ ह ५३७२ नम्बरको टेम्पोमा ठोक्किएको थियो। दुर्घटनामा परी मोटरसाइकल चालक कलैया उपमहानगरपालिका १२ धर्मनगरकै २४ वर्षीय रामाकान्त पटेलको मृत्यु भएको बाराका प्रहरी प्रवक्ता एवम् डिएसपी प्रकाश सापकोटाले जानकारी दिए। मोटरसाइकलमा सवार अन्य तीन जना समान्य घाइते भएको उनले बताए।

घटनाको सम्बन्धमा थप अनुसन्धान भरहेको प्रहरीले जनाएको छ ।