वीरेन्द्रनगरमा कारको ठक्करबाट ज्येष्ठ नागरिकको मृत्यु

सुर्खेत । वीरेन्द्रनगरमा कारको ठक्करबाट एक जना ज्येष्ठ नागरिकको मृत्यु भएको छ । मृत्यु हुनेमा वीरेन्द्रनगर नगरपालिका–१२ घर भएका ७२ वर्षीय लोकबहादुर शाही रहेका छन् ।

प्रहरीका अनुसार हिजो बेलुका वीरेन्द्रनगरको तीनकुनेस्थित बसपार्कदेखि पिपिरातर्फ जाँदै गरेको कारले पैदल यात्री शाहीलाई ठक्कर दिएको थियो ।
कारको ठक्करबाट घाइते भएका उनको प्रदेश अस्पतालमा उपचारको क्रममा राति मृत्यु भएको हो ।

उनलाई ठक्कर दिएको कारको पहिचान हुन सकेको छैन । खोजी कार्य भइरहेको जिल्ला प्रहरी कार्यालय सुर्खेतले जनाएको छ ।