- ३१ आश्विन २०८३, शनिबार / Oct 17, 2026
सिरहा । सिरहा जिल्ला अदालत अगाडि मिटरब्याजपीडितलाई कुटपिट गर्नेमाथि मुद्दा दर्ता भएको छ । मिटरब्याजी श्याम निरौलाविरुद्ध प्रहरीमा अभद्र व्यवहारको मुद्दा दर्ता भएको हो ।
सिरहा विष्णुपुरका निरौलाले बकपत्रका लागि अदालत गएका पीडितहरू ककुलतीदेवी यादव र सुकुमारीदेवी साहलाई हिजो कुटपिट गरेका थिए । घटनापछि मिटरब्याजपीडितले जिल्ला प्रहरी कार्यालयअगाडि धर्ना दिएका थिए ।
निरौलालाई हिरासतमा राखी थप अनुसन्धान भइरहेको सिरहाका प्रहरी प्रमुख टेकुनन्द इवा लिम्बूले बताए । निरौलामाथि अनुचित लेनदेन विषयमा अदालतमा मुद्दा चलिरहेको छ । उनीमाथि ४ दर्जनभन्दा बढी उजुरी छन् ।
