- ३२ असार २०८३, बिहीबार / Jul 16, 2026
काभ्रेपलाञ्चोक । बजार अनुगमनकर्ता भन्दै पसल सिल गराउने दुईजना पक्राउ परेका छन् । काभ्रेपलाञ्चोकमा धम्की दिने दुई व्यक्ति नक्कली सावित भएपछि प्रहरीको फन्दामा परेका हुन ।
बुधवार दिउँसो काभ्रेपलाञ्चोकको बनेपा नगरपालिका वडा नं ५ घसिलामार्गमा रहेको बेकरी पसल अनुगमन गरिरहेका नक्कली अनुगमनकर्तालाई प्रहरीले पक्राउ गरेको हो ।
उनीहरुले मुलुकी अपराध संहिता २०७४ को परिच्छेद २१ को दफा २४९ बिपरित ठगी कसुर गरेको देखिएको हुँदा जिल्ला अदालत काभ्रेपलाञ्चोकबाट ५ दिन म्याद अनुमती लिई विस्तृत अनुसन्धान कार्य भइरहेको जिल्ला प्रहरी कार्यालय काभ्रेले जनाएको छ ।
\उपभोक्ता हित संरक्षण मञ्च नेपालबाट अनुगमन गर्न आएको बताउने २ जना पुरुषलाई पक्राउ गरिएको र पक्राउ पर्नेमा भक्तपुर सूर्यविनायक ७ वस्ने बर्ष ५० को वासुदेव न्यैपाने र वर्ष ५२ को रोशन पोखरेल रहेको प्रहरीले जनाएको छ ।
करिब १ महिना अघि उनीहरु सोही क्षेत्रमा रहेको एक बेकरी पसल अनुगमन गरी पसलको दर्ता प्रमाणपत्र र खाद्यको प्रमाणपत्र नभएको भन्दै पसल सिल गरिदिने धाकधम्की लगाई रु दश हजार रुपैयाँ लिएर फरार भएका प्रहरीको दावी छ ।
बुधवार अर्को बेकरीमा प्रबेश गरेको देखि व्यवसायीहरुले प्रहरीलाई खबर गरेपश्चात ईलाका प्रहरी कार्यालय बनेपाबाट प्रहरी टोली खटिई गई खानतलासी गरी पक्राउ गरेको हो ।
पक्राउ परेकाहरु उपभोक्ता हित संरक्षण मञ्चका कुनै पनि जिम्मेवार पदमा नरहेको तथा उनीहरूको साथमा रहेको परिचयपत्र समेत नक्कली भएको प्रहरी काभ्रे प्रहरीले जनाएको छ ।
